УИХ дахь АН-ын бүлгийн дарга Д.Ганбат нь УИХ-ын гишүүн Ц.Туваан намын үндсэн дүрмийг зөрчсөн үйлдэл удаа дараа гаргасан учир дүрмийн дагуу түүнийг намын гишүүнээс дөрвөн жилийн хугацаатай хасах, сахилгын шийтгэл хүлээлгэж байгаа талаар мэдээллээ. Үүнээс гадна УИХ-ын тухай хуулийн 31 дүгээр зүйлийн 31-ний хоёр дахь хэсэгт "Бүлэгт зөвхөн тухайн нам эвслээс албан ёсоор нэр дэвшин сонгогдсон гишүүд орно" гэж зохицуулсан байдаг. Иймд УИХ-д бие даагч гишүүн болох Н.Алтанхуяг, С.Ганбаатар нар АН-ын бүлгийн хуралдаан болон бие даан гаргах шийдвэрт оролцох боломжгүй гэлээ.