Засгийн газрын өнөөдрийн хуралдаанаар төрийн өндөр албан тушаалын хэд хэдэн томилгоо хийжээ. Тухайлбал, Боловсрол, шинжлэх ухааны яамны Төрийн нарийн бичгийн даргаар Ерөнхий сайд Л.Оюун-Эрдэнийн зөвлөх Л.Цэдэвсүрэнг томилжээ. Энэ сарын 10-ны Засгийн газрын хуралдаанаар БШУ-ны Төрийн нарийн бичгийн дарга Д.Батбаатарыг өөрийн хүсэлтээр үүрэгт ажлаас нь чөлөөлсөн билээ. Мөн Засгийн газрын ХЭГ-ын дэд дарга Б.Солонгоог Хууль зүйн дэд сайдаар томилсон байна. Харин түүний оронд ЗГХЭГ-ын дэд даргаар Д.Батбаатарыг томилжээ.

Үүнээс гадна Оюуны өмчийн газрын дарга Б.Энхсүхийг чөлөөлж, Хууль зүйн дэд сайдаар ажиллаж байсан Г.Элбэгсайханыг томилсон ажээ.