"Богд Зонхова" цогцолборыг улсын төсвөөр 32 тэрбум төгрөгөөр барихаар ирэх оны төсөвт тусгагдсан бөгөөд өмнөх оны төсөвт сууснаас 27 тэрбум төгрөгөөр санхүүжилт нь нэмэгдэж батлагдсан. Соёлын сайдын төсөвт хамаарч байгаа уг цогцолборын бүтээн байгуулалтын асуудалтай холбоотойгоор ард иргэд шүүмжлэл нэлээд гарсан. Энэ талаар Соёлын сайд Ч.Номин өөрийн цахим хуудаснаа тайлбар бичжээ. Тэрбээр "Түүх, шашны соёлыг дэлгэрүүлэх "Богд Зонхова" цогцолборын төсөл намайг Соёлын сайдаар томилогдохоос өмнө эхэлсэн төсөл юм.Анх Соёлын яам энэ цогцолборыг барих, эхлүүлэх санаачилга гаргаагүй, өнгөрсөн хугацаанд энэ төсөлд нэг ч төгрөг зарцуулаагүй болно.

Монгол Улсын хувьд түүх, соёл, шашин нь бидний оршин тогтнохтой холбоотой асуудал. Гэвч, аль ч шашинд сүсэглэх, шүтэх нь аливаа цогцолборыг барих, болихоос үл шалтгаалах дотоод итгэл үнэмшлийн асуудал тул эвийг эрхэмлэхийг Та бүхнээс хичээнгүйлэн хүсье" гэжээ.