УИХ-ын гишүүн С.Ганбаатар Оюутолгойн гэрээний асуудлаар Сүхбаатарын талбай дээр өлсгөлөн зарлахаа мэдэгдлээ.

Тэрбээр “Монголын ард түмэн Оюутолгойг буцааж авах алтан боломж ирлээ.  Ерөнхий сайдуудыг "Рио Тинто" тавьдаг, халдаг, шахдаг болсон. МАН-ын удирдлага дээр байгаа бүлэглэл Ерөнхий сайдаараа олон улсын шүүхэд Монголын ард түмний эрх ашгийг төлөөлж сөрөг нэхэмжлэл гаргах хүртэл өлсгөлөн зарлаж байна.  Би энэ асуудлын төлөө 16 жил явж байна. Бидэнд 400 тэрбумын баялаг ирэх ёстой. Энэ мөнгөөр бүх хүн ажилтай болж, Монгол өргүй болно. МАН-ыг "Рио Тинто"-гийн барьцаанаас гаргахын төлөө энэхүү өлсгөлөнг зарлаж байгаа" хэмээн тайлбарлалаа.