Шүүхийн тухай хуульд хэсэгчлэн тавьсан хоригийг УИХ-ын нэгдсэн хуралдаанаар хэлэлцэх үеэр Сангийн сайд Ч.Хүрэлбаатар оффшор бүсээс мөнгө орж ирсэн эсэх асуудлаар байр сууриа илэрхийллээ. Оффшор бүсээс Төрийн сангийн Монголбанк дахь дансанд нэг ч төгрөг, нэг ч доллар, нэг ч цент орж ирээгүй гэдгийг хариуцлагатайгаар мэдэгдье. Орж ирсэн гээд байгаа бүх яриа худлаа. АТГ нэг хүний харц, ааш авираар хөдөлдөг газар биш шүү. Томилгооны сонсголыг чуулган дээр нийт ард түмэнд нээлттэй хийе гэж байгаа энэ хууль зөв шүү. Хоригийг хүлээн авч болохгүй хэмээн мэдэгдлээ.