МАН-ын Удирдах зөвлөлийн хуралдаанаар зарим сайд, дэд сайд нарын томилгоог хэлэлцэж нэрсийг тодруулжээ. Ерөнхий сайд Л.Оюун-Эрдэнэ Боомтын сайдад УИХ-ын гишүүн Х.Булгантуяаг, Барилга хот байгуулалтын сайдад Ц.Даваасүрэнг, Эрүүл мэндийн сайдад С.Чинзориг нарыг нэр дэвшүүлж, Удирдах зөвлөл 100 хувийн саналаар дэмжжээ. Үүнээс гадна удтал томилогдоогүй байгаа УИХ-ын дэд даргад УИХ-ын гишүүн, Хууль зүйн байнгын хорооны дарга Л.Мөнхбаатарыг нэр дэвшүүлж дэмжжээ.  Мөн зарим яамны дэд сайдад нэр дэвшүүлсэн байна. Тухайлбал, Байгаль орчин аялал жуулчлалын яамны дэд сайд Г.Түвдэндоржийг Эдийн засгийн хөгжлийн дэд сайдад сэлгэн томилохыг, БОАЖ-ын дэд сайдад "Тавантолгой түлш" ХХК-ийн гүйцэтгэх захирал асан М.Ганбаатарыг, Цахим хөгжил, харилцаа холбооны дэд сайдаар Ж.Эрхэмбаатарыг, Эрүүл мэндийн дэд сайдад С.Энхболдыг, УУХҮ-ийн дэд сайдаар О.Цэндсүрэн нарыг томилохоор болжээ.