УИХ-ын хавар, намрын чуулган ажлын 75 хоногоос доошгүй өдөр чуулж хуралдах хуулийн заалттай. 2022 оны УИХ-ын намрын чуулган энэ 7 хоногийн хэлэлцэх хуваарьт дурдсанаар энэ сарын 20 буюу баасан гаригт хаалтаа хийхээр төлөвлөжээ.

Энэ 7 хоногт УИХ Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны нотлох баримтыг шинжлэн судлах сонсголыг цувралаар зохион байгуулахаас гадна намын бүлгүүд хуралдаж, байнгын хороод хэлэлцэхээр товлосон асуудлууд, хуулийн төслүүдээ хэлэлцэх ажээ.