Шинэ Засгийн газар 14 яам, 17 сайдын бүрэлдэхүүнтэй. Үүнээс 4 сайдын албыг эмэгтэйчүүд хашина. Тухайлбал, Хөдөлмөр, нийгмийн хамгааллын сайд А.Ариунзаяа улиран ажиллах гэж байгаа бол Соёлын салбарыг "Монгол" телевизийн захирал, дэлхийн хэмжээний соёл урлагийн олон контентыг эх орондоо нутагшуулсан Ч.Номин удирдахаар боллоо. Харин Байгаль орчин, аялал жуулчлалын сайдаар НАМЭХ-ны Удирдах зөвлөлийн гишүүн Н.Уртнасан ажиллах юм. Гадаад харилцааны сайдаар тус яамны дэд сайд асан Б.Батцэцэгийг томилж байна.