Монгол Улсын 32 дахь Ерөнхий сайд Л.Оюун-Эрдэнийн тэргүүлэх Засгийн газрын сайд нар Ерөнхий сайдаас захирамжаа гардан авлаа. Захирамж гардуулах үеэр Ерөнхий сайд Л.Оюун-Эрдэнэ  сайд нартаа хандан "Ойрын хугацаанд эдийн засаг, нийгмийн амьдралаа хэвийн үргэлжлүүлэхийн төлөө хамтран ажиллая. Цар тахлын эсрэг дайнд ялалт байгуулахын төлөө хамтран ажиллая" хэмээн хэллээ. Захирамж гардуулсны дараа шинээр томилогдсон Засгийн газрын гишүүд УИХ-ын чуулганы танхимд Төрийн сүлд, тугандаа тангараг өргөлөө.