Монгол Улсын 32 дахь Ерөнхий сайдаар саяхан томилогдсон Л.Оюун-Эрдэнэ ажлаа эрч хүчтэй эхэлж байна. Өглөө бүр салбар бүрийн төлөөлөлтэй уулзаж, санал бодлыг сонсож эхэлсэн тэрбээр өнөөдөр барилгын салбарынхантай өглөөний уулзалт хийж байна. Уулзалтын үеэр энэ салбарт төрөөс баримталж буй бодлого, төр хувийн хэвшлийн уялдааг хэрхэн сайжруулах талаар ярилцаж байна. Энэ үеэр залуучуудыг орон сууцжуулах асуудлыг хөндлөө. Тухайлбал, орон сууцны урьдчилгаа 30 хувийн төлбөр бол залуучуудад хүнд байгаа учраас тэдэнд зориулсан Залуус 1, 2, 3 гэсэн хороолол барих төлөвлөгөөтэй байгаагаа илэрхийлсэн. Залуус 1, 2-ыг нийслэлд, нөгөөг нь орон нутагт хийж үзэхийг хүсч байна гэв.