Ж.Мөнхбатыг УИХ-ын гишүүнээс чөлөөллөө

УИХ-ын нэгдсэн хуралдаанаар Төрийн байгуулалтын байнгын хорооны санал дүгнэлтийг Улсын Их Хурлын гишүүний халдашгүй байдлын дэд хорооны дарга Н.Энхболд танилцуулав. Тэрбээр,  Монгол Улсын Их Хурлын тухай хуулийн 10 дугаар зүйлийн 10.1.2-т заасны дагуу гишүүнээс чөлөөлөгдөх хүсэлтээ Жамъянгийн Мөнхбат 2023 оны нэгдүгээр сарын 30-ны өдөр ирүүлсэн. Төрийн байгуулалтын байнгын хороо энэ асуудлыг 2023 оны гуравдугаар сарын 21-ний өдрийн хуралдаанаараа  хэлэлцлээ. Улсын Их Хурлын гишүүн Жамъянгийн Мөнхбатаас ирүүлсэн чөлөөлөгдөх тухай хүсэлтийг Төрийн байгуулалтын байнгын хорооны хуралдаанд оролцсон гишүүдийн олонх хүлээн зөвшөөрөх нь зүйтэй гэж үзлээ гээд Төрийн байгуулалтын байнгын хорооны санал, дүгнэлтийг хэлэлцэн шийдвэрлэж өгөхийг Та бүхнээс хүсье гэлээ. Байнгын хорооны санал, дүгнэлттэй холбогдуулан УИХ-ын гишүүн Б.Энхбаяр, Ш.Адьшаа нар асуулт асууж, хариулт авлаа. 

Ингээд Улсын Их Хурлын гишүүн Ж.Мөнхбатын хүсэлтийг хүлээн зөвшөөрөх нь зүйтэй гэсэн Төрийн байгуулалтын байнгын хорооны саналыг дэмжье гэсэн томъёоллоор санал хураалт явуулав. Санал асуултад оролцсон гишүүдийн 59.5 хувийн саналаар Ж.Мөнхбатыг Улсын Их Хурлын гишүүнээс чөлөөллөө.


Ж.Мөнхбатыг УИХ-ын гишүүнээс чөлөөллөө
2023-03-24 09:23:24
Шинэ мэдээ
Санал асуулга