Нүүрсний хэргээр авлига, албан тушаалын гэмт хэрэгт шалгагдаж байгаа  УИХ-ын гишүүн Т.Аюурсайхан, Н.Наранбаатар, Д.Бат-Эрдэнэ нарын бүрэн эрхийг түдгэлзүүлэх эсэх асуудлаар УИХ-ын Халдашгүй байдлын дэд хороо өнөөдөр 8 цаг гаруй хуралдсаны эцэст шийдвэрээ гаргалаа. Тус дэд хорооны дарга Ц.Мөнх-Оргил мэдээлснээр  УИХ-ын нэр бүхий гурван гишүүний бүрэн эрхийг түдгэлзүүлэх Улсын Ерөнхий прокурорын саналыг хүлээж авах нь зүйтэй гэж үзжээ.

УИХ-ын чуулганы хуралдааны дэгийн тухай хуулийн дагуу уг асуудлыг УИХ дахь МАН-ын бүлэг хэлэлцэж байна. Үүний дараа УИХ-ын Хууль зүйн болон Төрийн байгуулалтын байнгын хороо хуралдах юм.