Коронавируст халдвар /ковид-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн хүрээнд Дархлаажуулалтын тухай хуулийн хэрэгжилтэд хяналт тавих, хамтран ажиллах чиг үүрэг бүхий ажлын хэсэг байгуулагдан ажиллаж байгаа билээ.

Тус ажлын хэсэг өнөөдөр (2023.03.31) хуралдаж Халдварт өвчин судлалын үндэсний төв болон Австралийн Мурдокийн хүүхдийн судалгааны төв хамтран хэрэгжүүлж буй “КОВИД-19 вакцины (Рfizer-BioNTech) стандарт болон хагас тунгийн нэмэлт дархлаажуулалтын дараах дархлаа тогтоц, аюулгүй байдал, хариу урвалыг үнэлэх эмнэлзүйн судалгаа”-ны явцын үр дүнгийн талаарх мэдээллийг сонслоо.

Дэлхийн эрүүл мэндийн байгууллагын Дархлаажуулалтын зөвлөх бүлгийн гишүүн, Австралийн Мурдокийн хүүхдийн судалгааны төвийн профессор Ким Муллхоллланд, Стандарт болон хагас тун, суурь вакцинаас үл хамааран судалгааны бүлгүүд дархлаа тогтоц жигд, хангалттай тогтсон. Дархлааны хариу урвалын хүч доорх бүлгээс бусад бүх бүлгүүдэд ойролцоо байсан. Спутник вакцины хагас тунгийн дараах 28 дах хоногийн ийлдсийн түвшин харьцангуй бага байсан. Мөн вакцинууд дах хариу урвал бага, тэсвэрлэлт сайн байсан гэх дүгнэлт гарсныг ажлын хэсгийн гишүүдэд танилцуулсан юм.