МҮЭ-ийн холбооноос энэ сарын 2-нд НДШ-ийг хоёр хувиар нэмэгдүүлж байгааг эсэргүүцэж Улсын Их хурлын дарга Г.Занданшатар, Ерөнхий сайд Л.Оюун-Эрдэнэ, Сангийн яам, ХНХЯ-нд тус тус мэдэгдэл хүргүүллээ. Уг мэдэгдэлд, Монгол Улсын Засгийн газрын 2020-2024 оны үйл ажиллагааны хөтөлбөрт аливаа татвар, шимтгэлийг нэмэгдүүлэхгүй байхаар тусгасан боловч Ковид-19 цар тахлын дэгдэлт үүссэн, иргэдийн цалин орлого нэмэгдээгүй энэ цаг үед НДШ-ийг нэмэгдүүлж байгаа нь иргэд болон ажил олгогчдын нуруунд хүнд ачаа болж байгааг сануулж дээрх шийдвэрээ эргэн харж засч залруулахыг хүсэн мэдэгдэл хүргүүлж байна гэжээ.