Улсын Их Хурал дахь Монгол Ардын Намын бүлгийн ээлжит бус хуралдаанаар Монгол Улсын 2025 оны төсвийн тухай хуулийн төслийг өргөн барихаас өмнөх Сангийн яамны танилцуулга, мэдээллийг Сангийн сайд Б.Жавхлан танилцуулж, гишүүдийн асуултад хариулжээ.

МАН-ын бүлгийн гишүүд Монгол Улсын 2025 оны төсвийн тухай хуулийн төсөлд хүүхдийн мөнгө, тэтгэвэр, төрийн албан хаагчдын цалингийн нэмэгдлийг хөндөхгүйгээр алдагдалгүй төсөв өргөн барих нь зүйтэй гэж үзжээ.