УИХ-ын нэгдсэн хуралдаанаар хэлэлцсэн эхний асуудал нь Төрийн байгуулалтын байнгын хорооны даргад нэр дэвшигчийг хэлэлцэж томилох байв. Хуралдаанаар УИХ-ын Боловсрол, соёл, шинжлэх ухаан, спортын байнгын хорооны дарга Ж.Мөнхбатыг Төрийн байгуулалтын байнгын хорооны даргаар томилох саналыг хэлэлцэж, олонхийн саналаар дэмжлээ.

Тэрбээр улс төр судлаач, нийгмийн ухааны багш мэргэжилтэй. Улсын Их Хурлын гишүүнээр хоёр дахь удаагаа сонгогдож, 2020 оноос Улсын Их Хурлын Боловсрол, соёл, шинжлэх ухаан, спортын байнгын хорооны даргаар ажиллаж байгаа юм.