"Монгол Улсын Ерөнхий сайдад итгэл үзүүлэх тухай" УИХ-ын тогтоолын төслийг УИХ-ын чуулганы нэгдсэн хуралдаанаар хэлэлцүүлнэ. Төрийн байгуулалтын байнгын хорооны хуралдаанаар уг тогтоолын төслийг хуралдаанд оролцсон 23 гишүүний 17 буюу 73.9 хувь нь дэмжсэн. Харин УИХ дахь Ардчилсан намын бүлэг үргэлжлүүлэн хуралдсан юм. Уг хуралдаанаар Ерөнхий сайд Л.Оюун-Эрдэнэд итгэл үзүүлэх асуудлыг хэлэлцэн шийдэх УИХ-ын чуулганы нэгдсэн хуралдаанд Ардчилсан намын бүлгийн гишүүд санал хураалтад оролцохгүй байх талаар санал хурааж гишүүдийн олонх дэмжжээ. Ингэснээр Ардчилсан намын бүлэг Ерөнхий сайдад итгэл хүлээлгэх санал хураалтад оролцохгүй юм байна.