Гэр бүл, хөдөлмөр нийгмийн хамгааллын яамнаас Гэр бүлийг дэмжих тухай анхдагч хуулийн төслийг боловсруулж, хөгжлийн бэрхшээлтэй иргэд, ахмад настан зэрэг хуулиар эрх ашиг нь хөндөгдөх нийгмийн бүлгийн төлөөлөл, төрийн бус байгууллагын төлөөллөөр хэлэлцүүлж байна. Оролцогчдын зүгээс хуулийн төсөлтэй танилцаж, дараах асуудлуудыг онцлон анхаарч, төсөлд тусгахыг санал болголоо.

-Гэр бүлийг орон сууцтай болохыг дэмжих, ахмад, тэр дундаа хөгжлийн бэрхшээлтэй иргэний гэр бүлийг илүү анхаарах

-Хүүхдийн хөгжлийг, ялангуяа балчир насны хүүхдийг дэмжих, ургийг хамгаалах

-Гэр бүлийн боловсролыг их дээд, сургуулийн хөтөлбөрт оруулж хэрэгжүүлэх

-Гэр бүл судлаач, мэргэжилтэн нарыг бэлтгэх

-Гэр бүлийн тогтвортой байдлыг дэмжих зэрэг санал гаргажээ.