Улсын онцгой комиссоос мэдээлэл хийж дөрөвдүгээр сарын 5-ны өдрийг хүртэл улбар шар түвшиндээ буюу халдвар хамгааллын дэглэмээ ягштал баримталж, хамтран ажиллах шийдвэр гаргалаа гэв. Энэ хугацаанд үйлчилгээний байгууллагуудад зарим зохицуулалт хийж, 14 хоногийн хугацаанд эрсдэл гаргахгүй байх тал дээр иргэд, аж ахуйн нэгжүүд илүүтэй анхаарч ажиллах зөвлөмж гаргах юм байна. Улсын онцгой комисс, Засгийн газраас аль болох иргэдийн үйл ажиллагааг хязгаарлахгүйгээр, зөв зохион байгуулалт хийж,  халдварын тоог бууруулахад анхаарч ажиллах бөгөөд явуулын оношлогоо, эмчилгээний газруудыг нээсэн тул хатуу хөл хорио тогтоохгүй байхаар шийдсэн байна. Улсын онцгой комиссоос энэхүү шийдвэрээ Засгийн газрын хуралдаанд танилцуулах ажээ.