Улсын Их Хурлын даргын захирамжаар “Хүний эрх, эрх чөлөөний асуудал, хүний эрхийн зөрчил бүхий хууль тогтоомжид үнэлэлт, дүгнэлт өгөх, холбогдох хууль тогтоомжийн төсөл боловсруулах” чиг үүрэг бүхий ажлын хэсэг байгуулагдсан. Ажлын хэсгийг УИХ-ын гишүүн Х.Баасанжаргал ахлан, бүрэлдэхүүнд Ж.Бат-Эрдэнэ, О.Номинчимэг, П.Сайнзориг, С.Эрдэнэбат, М.Ганхүлэг зэрэг УИХ-ын гишүүд ажиллаж байна.

Тус ажлын хэсэг хүний эрхийг дээдэлсэн эрх зүйн орчныг бүрдүүлэх хүрээнд тулгамдсан асуудлаар санал, дүгнэлт гаргах, холбогдох хууль тогтоомжийн төсөл боловсруулах үүрэгтэй. УИХ-ын гишүүн Х.Баасанжаргал “Хүний эрхийг дээдэлсэн эрх зүйн орчныг бүрдүүлэхэд иргэн бүрийн санал чухал. Тиймээс ажлын хэсэг иргэдээс нээлттэй санал авч дүгнэлт гаргах, төсөл боловсруулахдаа тусган ажиллана” гэлээ.