Монгол Улсын 32 дахь Ерөнхий сайд Л.Оюун-Эрдэнийг МАН-ын XI бага хурлаас тус намын даргаар төлөөлөгчдийн 100 хувийн саналаар сонголоо.

Өнөөдөр болох 6 дахь Ерөнхийлөгчийн тангараг өргөх ёслолын ажиллагаатай уг бага хурал давхцаж буйгаараа онцлог  бөгөөд У.Хүрэлсүх тангараг өргөхийн өмнө намын даргын албаа шилжүүлж байгаа юм.

МАН-ын дүрэмд Ерөнхий сайдаар томилогдсон хүн тухайн намын даргын албыг давхар хашиж болно гэсэн зохицуулалттай байдаг.  Тэрбээр 1990 оноос хойшхи МАН-ын 12 дахь дарга болж байгаа ажээ.