Сүүлийн 24 цагт Covid-19 халдварын 112 тохиолдол шинээр бүртгэгдсэнээс 55 нь Улаанбаатарт, 57 нь орон нутагт илэрчээ. Өнөөдрийн байдлаар эмнэлэгт 292 хүн хэвтэн эмчлүүлж байгаа бол биеийн байдал нь хүнд 48 өвчтөн, нэн хүнд байдалтай 11 хүн байна. Мөн цар тахлаар өвчилсөн 47 хүүхэд, 14 жирэмсэн эмэгтэй эмнэлэгт хэвтэн эмчлүүлж байна. Иргэд та бүхэн амны хаалтаа зүүж, гараа тогтмол ариутгахыг зөвлөж байна.