Коронавирусын цар тахлын халдварын илрүүлэлтийн талаарх өнөөдрийн мэдээллээр ХӨСҮТ-ийн Вирус судлалын хоёр лаборатори, ЗӨСҮТ, НЭМҮТ-ийн лаборатори, Дархан-Уул, Сэлэнгэ, Дорноговь, Орхон аймгийн салбар лабораторид нийт 15546 сорьцод шинжилгээ хийхэд 8 хүнээс Сovid-19 илэрчээ. Найман хүний батлагдсан тохиолдлоос ХӨСҮТ-ийн нэг эмч, бусад нь батлагдсан тохиолдлын ойрын хавьтлууд байгаа юм. Батлагдсан тохиолдлын ойрын хавьтал нийтдээ 1189 хүн хяналтад байгаа бол 4465 нь хоёр дахь хавьтлын хүмүүс юм.  Хас банкны таван хүнийг тусгаарласан.  Чингэлтэй дүүргийн ЗДТГ-ын ажилчид хоёрдагч хавьтлаар тусгаарлагдсан. Баянгол дүүргийн 12-р хорооны 19 дүгээр байрны голомт идэвхтэй байна. Баянзүрх дүүргийн ТҮК-тай холбоотой голомт идэвхтэй байна. 

            Улсын хэмжээнд халдварын батлагдсан тохиолдол 1584 болсон бол үүнээс 1097 хүн эдгэрсэн байна. Эмчлэгдэж байгаа 483 хүний биеийн байдлыг үнэлбэл, маш хүнд хоёр, хүнд долоо, хүндэвтэр 61, хөнгөн 413 эмчлүүлж байна.