Хууль зүй, дотоод хэргийн салбарын бүртгэл, санхүүчдийг чадавхжуулах нэгдсэн сургалт боллоо

Монгол Улсад Санхүүгийн алба үүсэж хөгжсөний 112 жилийн ой, Бүртгэл, Санхүү, Эдийн засагчдын өдрийг тохиолдуулан Хууль зүй, дотоод хэргийн салбарын бүртгэл, санхүү, эдийн засагч, дотоод аудитор, нярав, нягтлан бодогч нарыг чадавхжуулах нэгдсэн сургалт боллоо. Энэхүү арга хэмжээнд дэд сайд Б.Солонгоо, Төрийн нарийн бичгийн даргын албан үүргийг түр орлон гүйцэтгэгч Л.Нямгэрэл, Санхүү хөрөнгө оруулалтын газрын дарга Д.Гантуяа болон салбарын бүртгэл, санхүү, эдийн засагч, дотоод аудитор, нярав, нягтлан бодогч нарын төлөөлөл оролцлоо.

Хууль зүй, дотоод хэргийн сайдын эрхлэх асуудлын хүрээний 13 агентлаг байгууллагын 213 төсөвт нэгж, 8 төрийн өмчит аж ахуйн тооцоот үйлдвэрийн газарт нийт 2000 гаруй санхүү, аж ахуйн албан хаагчид Монгол улсынхаа өнцөг булан бүрд төсөв, мөнгө, хөрөнгийг хуваарилах, нягтлан зарцуулах, нүдлэн хамгаалах нэр хүндтэй албыг хашин ажиллаж байна. Өнөөдөр энэ танхимд Улаанбаатар хүрээний 500 санхүүгийн мэргэжилтэн, нягтлан бодогч, эдийн засагч, дотоод аудитор, нярав нар хуран цугларсан байна.

Хууль зүй, дотоод хэргийн салбарын хувьд 2023 онд “Санхүүгийн нэгдсэн цахим систем e-accounting.mojha.gov.mn”, Төсвийн нэгдсэн платформ “open data”-г нэвтрүүлээд байна.

Тус сургалтаар “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”, “Нийгмийн даатгалын багц хууль“-д орсон нэмэлт өөрчлөлт, “Инээмсэглэл эерэг хандлага” лекцүүдийг сонсож санхүүгийн албан хаагчид мэдлэгээ тэлж, харилцан туршлагаа солилцлоо.

Санхүүгийн албанд зүтгэж байсан үе үеийн ахмад санхүүчид болон 2023 оны ажил хөдөлмөрөөрөө хамт олноо манлайлан тэргүүлсэн шилдэг албан хаагчдад Засгийн газрын шагналаар шагнаж, мөн салбарын шилдэг санхүүгийн албан хаагчдыг (Шилдэг санхүүгийн дарга –Х.Саранчимэг ШШЕГ, Шилдэг санхүүгийн мэргэжилтэн –З.Оюундалай ШШГЕГ, Шилдэг нягтлан бодогч –Б.Адьяахүү-ЦЕГ, Шилдэг нярав Д.Баярцэцэг-ДХИС) 4 номинациар шалгаруулан цом, нэг сарын үндсэн цалингаар шагнасан юм.

Хууль зүй, дотоод хэргийн салбарын бүртгэл, санхүүчдийг чадавхжуулах нэгдсэн сургалт боллоо

2023-12-08 16:18:17

Жиргэх Хуваалцах

Шинэ мэдээ

Санал асуулга