Монгол Улсын Засгийн газраас 2023 оны 10 дугаар сарын 13-ны өдөр Хүүхэд хамгааллын тухай хуулийн шинэчилсэн найруулгын төслийг өргөн мэдүүлсэн билээ. Мөн үүнээс өмнө УИХ-ын  гишүүн С.Одонтуяа, А.Адъяасүрэн, П.Анужин, Б.Баярсайхан, Х.Булгантуяа, Б.Жаргалмаа, Г.Мөнхцэцэг, Ц.Мөнхцэцэг, М.Оюунчимэг, Д.Өнөрболор, Д.Сарангэрэл, Б.Саранчимэг, Ч.Ундрам нарын гишүүдээс 2021 оны 03 дугаар сарын 05-ны өдөр УИХ-д өргөн мэдүүлсэн Хүүхэд хамгааллын тухай хуульд нэмэлт, өөрчлөлт оруулах тухай хуулийн төслийг өргөн мэдүүлсэн байдаг. Тэгвэл эдгээр хуулийн төслүүдийг нэгтгэн Байнгын хороо болон чуулганы нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Ажлын хэсгийг Нийгмийн бодлогын байнгын хорооноос байгуулсан юм. 

Уг ажлын хэсгийн ахлагчаар УИХ-ын гишүүн Ц.Идэрбат, бүрэлдэхүүнд нь УИХ-ын гишүүн Б.Жаргалмаа, Б.Баярсайхан, М. Оюунчимэг, Б.Бейсен,  П.Анужин нар  сонгогдон ажиллаж байна.