ЭМЯ-наас хийсэн мэдээллээр сүүлийн 24 цагт коронавирусын 38 тохиолдол илэрлээ. Эдгээр хүмүүсийн 24 нь арьс ширний компанид гарсан голомттой холбоотой аж. Ингэснээр Улаанбаатар хотод нийтдээ 1092 тохиолдол бүртгэгдэж байна. Харин улсын хэмжээнд 1928 хүн вирусын халдвар авснаас 1480 нь эдгэрчээ. Сүүлийн 24 цагт 32 хүн эдгэрч эмнэлгээс гарсан байна. 

Мэргэжилтнүүдийн зөвлөж буйгаар нийтийн байр болон харанхуй, битүү, агааржуулалт муутай орчинд вирусын халдвар дэгдэлт өндөр байгаа учир хүн бүр халдваргүйжүүлэлтийн дэглэмийг сайн сахихыг онцоллоо.