ЭМЯ-ны ээлжит мэдээллээр сүүлийн 24 цагт 50 хүн халдвар авсныг баталгаажуулжээ. Тухайлбал, ХӨСҮТ-ийн Вирус судлалын хоёр лаборатори, ЗӨСҮТ, НЭМҮТ-ийн лаборатори, Дархан-Уул, Сэлэнгэ, Орхон, Дорнод,  Сонгинохайрхан, Чингэлтэй, Сүхбаатар, Баянгол дүүргийн салбар лабораторид хоёрдугаар сарын 7-нд нийт 12252 сорьцод шинжилгээ хийсэн байна. Эдгээр хүмүүс нь өмнө батлагдсан тохиолдлуудын ойрын хавьтлын хүмүүс бөгөөд бүгд нийслэл хотынх аж. Ингэснээр Улаанбаатар хотод Covid-19-ийн батлагдсан тохиолдол 1237, дотоодын халдварын тоо 1563 боллоо.  Улсын хэмжээнд Covid-19-ийн тохиолдол 2073 болж, 1493 хүн эдгэрч, 567 хүн эмчлэгдэж байна.