Зуслангийн гурван чиглэлд зургадугаар сарын 5-наас нийтийн тээвэр явж эхэлнэ. Жил бүрийн 15-наас нийтийн тээвэр үйлчилж эхэлдэг байсан бол энэ жил цар тахалтай холбоотой сургууль, цэцэрлэг эрт амарсан, айлууд  эрт зусландаа гарч байгаа. Тиймээс зуслангийн чиглэлд зургадугаар сарын 5-наас нийтийн тээврээр үйлчлэхээр боллоо.

Зуслангийн чиглэлийн автобус нь Тэнгис кинотеатрын автобусны буудлаас өдөр бүр 07.00-20.00 цаг хүртэл үйлчлэх юм байна. Гүнт, Жигжид- Тэнгис чиглэлд 35 минутын зайтай 3 автобус, Гоодой-Тэнгис, Баянбулаг-Тэнгис чиглэлд 1 цаг тутамд тус бүр 1 автобус явна.