Гэр бүл, хөдөлмөр, нийгмийн хамгааллын сайд Л.Энх-Амгалан Монгол Улсынхаа хөгжилд хамгийн үнэтэй хувь нэмрээ оруулсан Хөдөлмөрийн баатрууддаа хүндэтгэл үзүүлэх “Хөдөлмөрийн баатруудаа сайн байцгаана уу” арга хэмжээнд оролцлоо. Энэ өдрийн хүндтэй зочид маань өнөөдрийн нийгмийн сайн сайхны төлөө залуу насныхаа эрч хүч, хөдөлмөр бүтээлээ зарцуулж, 3 ба түүнээс ч олон хүний ажлыг зэрэг гүйцэтгэж, улс орноо хөгжилд хөтөлсөн БААТРУУД билээ. Та бүхнийхээ нийгмийн хамгааллыг сайжруулж, салбар бүрийн баатруудын арвин туршлагаас төрийн бодлогод тусгаж, санал шийдлийг тань ямагт сонсож ажиллана гэдгийг онцоллоо.