Нью-Иорк хотноо зохион байгуулагдаж байгаа НҮБ-ын Эмэгтэйчүүдийн аж байдлын комисс (ЭАБК)-ын 69 дүгээр чуулган болж байна. Чуулганд 180 гаруй орны нийт 12 мянга гаруй төлөөлөгчид оролцож, 270 орчим дагалдах арга хэмжээг зохион байгуулж байна. Уур амьсгалын өөрчлөлт, биологийн олон янз байдлын алдагдал, цөлжилтийг шийдвэрлэхэд жендерийн хэтийн төлөв” сэдэвт салбар хуралдаанд НҮБ-д суугаа Элчин сайд, байнгын төлөөлөгч Н.Анхбаяр, Жендерийн тэгш байдлыг хангахад ахиц дэвшил гаргах нь” сэдэвт салбар хуралдаанд Монголын эмэгтэйчүүдийн холбооны Ерөнхийлөгч Б.Оюунгэрэл, Эмэгтэйчүүдийн бэлгийн болон нөхөн үржихүйн эрүүл мэнд, эрхийг хангах” асуудлаарх салбар хуралдаанд “Даян дэлхийн монгол эмэгтэйчүүд хамтдаа” ТББ-ыг төлөөлж М.Ануужин нар өөрийн орны туршлага, ахиц дэвшил, тулгарч буй бэрхшээлийн талаар тус тус үг хэлж оролцлоо.