“Ахмадад ээлтэй нийгмийг бүтээх” сэдвийн хүрээнд Ази номхон далайн бүсийн форум Улаанбаатарт болж байна. Гэр бүл, хөдөлмөр, нийгмийн хамгааллын яамны Төрийн нарийн бичгийн дарга Л.Мөнхзул(2025.06.19) тус форумын салбар хуралдаанд панелистаар оролцож, ахмадуудад үзүүлж байгаа төрийн үйлчилгээ, нийгэм хамгааллын талаар мэдээлэл өглөө. Ахмад настан, түүний эрх, аж байдалтай холбоотой тулгамдсан олон асуудал улс орон бүрд харилцан адилгүй байна. Үүнд олон хүчин зүйл нөлөөлж байгаа ч суурь үндэс нь насжилтаас үүдэлтэй шийдвэрлээгүй орон зай болж байгааг форумын үеэр онцоллоо. 2020 онд манай улсын нийт хүн амын 4.2 хувийг ахмад настан эзэлж байсан бол 2045 онд 10.8 хувь, 2050 онд 12.0 хувь болж нэмэгдэхээр байна.