Гэр бүл, хөдөлмөр, нийгмийн хамгааллын яамны Төрийн нарийн бичгийн дарга Л.Мөнхзул Сэргээн засахын олон улсын байгууллагын Ерөнхийлөгч профессор Кристофф Гутенбруннерийг /2025.09.25/ хүлээн авч уулзлаа. Уулзалтын үеэр хөгжлийн бэрхшээлтэй иргэдийн эрхийг хамгаалах, тэгш оролцоог хангах бодлого, сэргээн засах үйлчилгээний чанар, хүртээмжийг сайжруулах, эрүүл мэнд, боловсрол, нийгмийн хамгааллын салбарын уялдаа холбоог бэхжүүлэх, олон улсын туршлагыг нэвтрүүлэх талаар санал солилцлоо.

Сэргээн засахын олон улсын байгууллага нь 1922 онд байгуулагдаж, АНУ-ын Нью-Йорк хотноо төвтэй тус байгууллага нь 100 гаруй гишүүн оронтой хамтран ажилладаг. Хөгжлийн бэрхшээлтэй хүүхдийн сэргээн засах хөгжлийн төв Сэргээн засахын олон улсын байгууллагын шинэ гишүүнээр элссэнээр хамтын ажиллагааны эхлэлийг тавилаа.