Гэр бүл, хөдөлмөр, нийгмийн хамгааллын яам, МУИС-ийн Эдийн засгийн тэнхимтэй хамтран “Асрахуйн эдийн засаг” сэдэвт тайлан хэлэлцүүлэх арга хэмжээг зохион байгууллаа. Тус арга хэмжээнд Гэр бүл, хөдөлмөр, нийгмийн хамгааллын яам, харьяа агентлаг, байгууллага болон Эрүүл мэндийн яам, Эдийн засаг, хөгжлийн яам, Монголын Ахмадын холбоо, Геронтологийн үндэсний төв, их дээд сургууль, төрийн бус байгууллагын төлөөлөл оролцсон. Судалгаа, тайлангийн хүрээнд Хүн амын өөрчлөлт ба асаргааны хэрэгцээ, Жендерийн тэгш байдал ба төлбөргүй асаргааны хөдөлмөр, Бизнес эрхлэлт, хөдөлмөрийн зах зээл ба асрахуйн ачаалал, асаргаа үйлчилгээний хүртээмж, бодлогын шинэчлэл, Уур амьсгалын өөрчлөлт ба асаргааны эрсдэлүүд, Цаг хугацааны өөрчлөлт ба өрхийн асаргааны зохион байгуулалт зэрэг сэдвийг танилцуулж хэлэлцүүлэв.

Нийгмийн хамгаалал, хөдөлмөр эрхлэлтээс гадна бусад салбарт асрахуйн эдийн засгийн талаарх ойлголтыг таниулах, Монгол Улсад асрахуйн эдийн засгийн үр өгөөжийг нэмэгдүүлэх, цаашид нотолгоо шинжилгээнд суурилан бодлого, хөтөлбөр боловсруулахад энэхүү судалгаа, тайлан чухал холбдогдолтой юм.