Эрүүл мэндийн яамнаас ээлжит мэдээллээ хийлээ. Ингэснээр сүүлийн 24 цагийн хугацаанд манай улсад Ковид-19-ын халдвар 602 хүнээс илэрч, нийт 10282 тохиолдол болж байна. Үүнээс 514 нь Улаанбаатар хотод, 88 нь орон нутагт илэрчээ. Энэ халдварын улмаас 60 гаруй насны эрэгтэй хүн  нас барж, Ковид-19-ийн халдварын шалтгаант нас баралт 12 болов. Сүүлийн 24 цагийн хугацаанд 282 хүн эмнэлгээс гарч, эдгэрсэн хүний тоо 5931 болж байна.