Монгол Улсын Ерөнхийлөгчийн зарлигаар жил бүрийн тавдугаар сарын хоёр дахь долоо хоногийг Мод тарих үндэсний өдөр болгон зарласан билээ. Энэ дагуу “Эрдэнэс Монгол” нэгдлийн охин компани болох “Эрдэнэс Силвер ресурс” компанийн зүгээс нийгмийн хариуцлагын хүрээнд байгаль орчны менежментийн төлөвлөгөөний хэрэгжилтийг хангах, уурхайн эдэлбэр газрын ногоон байгууламжийг нэмэгдүүлэх зорилгоор Дундговь аймгийн Гурвансайхан сумын уурхайн бүсэд 5000 ширхэг мод тарьж, модны суулгац болон бордоог хүлээлгэн өглөө.