Коронавируст халдварын илрүүлгийн талаарх ээлжит мэдээллээ ЭМЯ-наас хийлээ. УОК-ын нарийн бичгийн дарга П.Баярхүүгийн мэдээлснээр сүүлийн 24 цагт коронавирусийн халдвар илрүүлэх зорилгоор 11540 шинжилгээ хийх явцад 2642 хүнээс халдвар илэрсэн байна. Ингэснээр нийт халдварын тоо улсын хэмжээнд 85,770 болжээ.

Шинээр илэрсэн 2642 тохиолдлын 1733 нь Улаанбаатар хотод, 908 нь орон нутагт бүртгэгдсэн байна. Мөн  коронавируст халдварын улмаас 37-95 насны 11 хүн нас баржээ. Халдварын улмаас одоогоор 10,248 хүн эмнэлэгт хэвтэн эмчлүүлж байгаагаас хөнгөн 6338, хүндэвтэр 2830, хүнд 891, маш хүнд 189 хүн байгааг мэдээллээ.