Өчигдөр залуус нэгдэн "Тэвчээр тасарлаа" хөдөлгөөн өрнүүлж Ардын хувьсгалын 100 жилийн ойн баяр наадмыг энэ жил хийхгүй байхыг шаардаж жагссан билээ. Мөн УОК-ын өчигдрийн хуралдаанаар наадам зохион байгуулахыг хойшлуулах санал гаргасныг  өнөөдөр Засгийн газар эцэслэн шийдэхээр ээлжит бус хуралдаан хийж байна. Энэхүү шийдвэрийг Морин спорт уяачдын холбоо,  уяачид  Төв талбайд морьтойгоо жагсаж эсэргүүцэж байгаа юм. 

 Тэд "Наадам энэ жил зохион байгуулахыг шаардаж байна. Шийдвэр гаргагчид гаргасан шийдвэрээсээ эргэж буцаж байгаад харамсаж байна. Уяа сойлгонд их хэмжээний мөнгө, хөдөлмөр зарцуулсан. Наадам бол өв соёл учраас энэ жил өнжиж болохгүй" хэмээн үзэж буйгаа илэрхийлж, Засгийн газарт наадам зохион байгуулах шаардлагыг хүргүүлж байгаа ажээ.