Хөдөө орон нутгийн хүүхдүүдэд үнэ төлбөргүй зүрхний үзлэг хийх, шаардлагатай хүүхдүүдэд зүрхний хагалгаа хийх зорилготой “Зүрх мартахгүй” төслийн багийн ажлыг “Оюу толгой” компани дэмжин ажиллаж байгаа билээ.

“Зүрх мартахгүй” төслийн баг өнгөрсөн жил есөн удаа хөдөө орон нутагт үзлэг хийж, 1000 гаруй хүүхдэд хүрч, зүрхний нарийн мэргэжлийн эмчийн үзлэг оношлогоо хийсэн бөгөөд 2027 он гэхэд 1000 бяцхан зүрхэнд амьдрал бэлэглэх зорилготой байгаа юм.