2020 онд ЕБС-ийн сурагчдад зориулсан автобусыг явуулахаар төлөвлөсөн бөгөөд наймдугаар сард ийм зориулалтаар 200 автобус оруулж ирэхээр болжээ.

Олон улсад хүүхэд тээвэрлэх автобусыг ямар стандарттай байх ёстой талаар нарийн заасан байдаг бол оруулж ирэхээр төлөвлөсөн автобус нь яг тэр стандартын дагуу, хүүхдэд зориулагдсан гэдгээрээ онцлогтой юм байна.  Төр, хувийн хэвшлийн түншлэлийн хүрээнд санхүүжилтийг гаргана. Учир нь дан ганц нийслэлийн төсөв эсвэл улсын төсвөөр автобус худалдаж аваад, парк шинэчлэлт хийх ямар ч боломж, бололцоо байхгүй.  Хувийн хэвшлийг дэмжих тал дээр анхаарч, боломжийг олговол буцаагаад хувийн хэвшил иргэдэд үйлчлэх стандарт, шаардлагыг хангах талын асуудлыг шийдэх учиртай.

Сурагчдад зориулсан автобусны нэг бүрийн үнэ 130 мянга орчим доллар бөгөөд тэд бүгдээрээ шинэ автобус гэдгийг онцоллоо.

Улаанбаатар хотод 292 мянган сурагч ЕБС-д явдаг гэсэн тооцоо судалгаа бий. Тэдэнд нийт 200 ширхэг зориулалтын автобус үйлчлэх юм байна.