Наймдугаар сарын 5-аас 11-ний өдрүүдэд 6,491 автомашин, 750 чингэлэг нийт 818.5 мян.тн нүүрс экспортод гарсан нь өмнөх оны мөн үеэс 548.4 мян.тн буюу 2 дахин өссөн үзүүлэлттэй байна. Оны эхнээс 12,365.7 мян.тн нүүрс гарснаар нүүрс экспорт өмнөх оны мөн үеийн хэмжээнээс 1,640.6 мян.тн буюу 15.3 хувиар өсөв.

7 хоногт 128 автомашин, 206 чингэлэг буюу оны эхнээс 890.8 мян.тн зэсийн баяжмал экспортолсон нь өнгөрөгч оны мөн үеэс 85.9 мянган тонноор буюу 11 хувийн өсөлттэй байна. Төмрийн хүдэр, баяжмалын тухайд 628 автомашин, 408 чингэлэг буюу оны эхнээс нийт 2,378.7 мян.тн-ыг экспортолсон нь өнгөрөгч оны мөн үеэс 51.5 хувиар буурсан.

Төв банк оны эхнээс энэ сарын 11-ний өдрийн байдлаар 10.72 тонн алт худалдан авчээ. Эрдэс бүтээгдэхүүний экспорт дунджаар 54 хувийн гүйцэтгэлтэй байна. Тухайлбал, нүүрс 68.7 хувь, зэсийн баяжмал 73.4 хувь, төмөр 47 хувь, алт 53.6 хувь, цайр 86.4 хувь тус тус байна.