“Эрдэнэс Монгол” компанийг шинэчлэн зохион байгуулж групп, нэгдлийн хэлбэрээр ажиллуулахтай холбогдуулан 2022 оноос Монгол Улсын томоохон үйлдвэрүүд болох “Эрдэнэт” болон “Монголросцветмет” төрийн өмчит үйлдвэрийн газруудыг тус компанийн харьяанд шилжүүлэн ажиллуулж эхлээд байгаа билээ. Засгийн газрын шийдвэрийн дагуу энэ онд тус компанийн 88 орон тоонд нээлттэй сонгон шалгаруулалт зарлаад байгаа. Үүний дагуу  “Нээлттэй ажлын байр”-ыг зарлаж, ажлын байр тус бүр дэх сонгон шалгаруулалтын дэлгэрэнгүй мэдээллийг https://e-tanhim.gov.mn/jobad  сайт дээр байршуулсан байна.

Тэгвэл 2023.01.03 12:45 цагийн байдлаар иргэний цахим оролцоо www.e-tanhim.gov.mn платформоор "ЭРДЭНЭС МОНГОЛ ХХК"-ийн нээлттэй ажлын байрны сонгон шалгаруулалтад 810 хүн бүртгүүлээд байна.