Цар тахал дэгдэж, хорио цээрийн дэглэмд шилжин, олноор бөөгнөрөх, таваас дээш хүнтэй танхимын сургалт зохион байгуулахыг хориглосон энэ цаг үед хөдөлмөрийн аюулгүй байдал эрүүл ахуйн (ХАБЭА)  чиглэлээр нийт ажилтны, шинэ ажилтны, шилжин ажиллаж байгаа, эрсдэлийн, гэрээт байгууллагын ажилтны, инженер техникийн ажилтнуудын сургалтуудыг онлайнаар VIBER, ZOOM сүлжээгээр болон таваас доош хүнтэй танхимаар сургах хөтөлбөр, хуваарь гарган тогтмол зохион байгуулж байна. Уул уурхайн үйлдвэрлэл нь эрсдэл ихтэй тул аюулгүй ажиллагааны мэдлэг сайтай, чадварлаг боловсон хүчин нэн шаардлагатай байдаг. Иймд ХАБЭА-н сургалтыг тогтмол явуулж байх ёстой. Ажилтан нь аюулгүй ажиллагааны сургалтад хамрагдсанаар өөрийн мөрдөх энгийн дүрмүүдээс гадна хөдөлмөрийн нөхцөл, мэргэжлээс шалтгаалах өвчлөл, нийгмийн даатгал, галын аюулгүй байдал, гамшгийн үед хэрхэн аврагдах, эмнэлгийн анхны тусламж үзүүлэх мэдлэг олох зэрэг олон мэдлэг чадвар олж авдаг.