Технологид суурилсан шинэ төрлийн санхүүгийн бүтээгдэхүүн, үйлчилгээг хязгаарлагдмал орчинд туршиж, тухайн бүтээгдэхүүн, үйлчилгээний шинж чанар, онцлогт тохирсон эрх зүйн орчныг бүрдүүлэх зорилгоор “Сэндбокс зохицуулалтын орчны журам”-ын нэмэлт, өөрчлөлтийг Санхүүгийн зохицуулах хорооны дарга, Сангийн сайд, Монголбанкны Ерөнхийлөгчийн 2025 оны 4 дүгээр сарын 15-ны өдрийн 124/75/A-86 дугаар хамтарсан тушаалаар баталж, 2025 оны 5 дугаар сарын 05-ны өдөр захиргааны хэм хэмжээний актын улсын нэгдсэн санд бүртгэгдлээ. Журмын нэмэлт, өөрчлөлтөөр сэндбоксын орчинд амжилттай туршигдсан бүтээгдэхүүн, үйлчилгээг зохицуулалттай зах зээлд шилжүүлэх үйл явц болон зохицуулалтын орчин бүрдэх хүртэлх хугацааны хяналт, зохицуулалтыг хэрэгжүүлэх талаарх түр зохицуулалт болон сэндбоксын хугацаанд оролцогч үйл ажиллагаагаа түр зогсоох, мөнгө угаах болон терроризмыг санхүүжүүлэхтэй тэмцэх тухай хуулийн хэрэгжилтийг хангах, мөн тусгай зөвшөөрлийн шаардлагаас зайлсхийх зорилгоор сэндбокс зохицуулалтын орчинг ашиглахыг хязгаарлах зэрэг зохицуулалтыг тусгасан нь санхүүгийн салбар дахь шинэчлэл, инновацыг дэмжихийн зэрэгцээ хууль, эрх зүйн хийдэл, тодорхойгүй байдал үүсэж, хугацаа алдахаас сэргийлж, сэндбоксын орчны ил тод байдал, үр нөлөөг нэмэгдүүлэх юм.

Сэндбокс зохицуулалтын орчинд 2025 оны 1 дүгээр улирлын байдлаар нийт 5 компанийн 8 бүтээгдэхүүн, үйлчилгээ туршигдаж байна.

Журамтай энэ линкээр https://frc.mn/#/doc/list/41 орж танилцах боломжтой.