“Эрдэнэс Метан” компани нь уламжлал болон уламжлалт бус газрын тосны эрэл хайгуулын судалгаа, олборлолт, боловсруулалт, тээвэрлэлт хийх, Монгол Улсын нүүрсний сав газруудын метан хийн нөөц баялгийг эдийн засгийн эргэлтэд оруулах Монгол Улсад нэн шинэ аж үйлдвэрийн салбарыг хөгжүүлэх зорилготойгоор байгуулагдсан. Тус компанийн 2020 онд хийсэн зарим ажлуудаас онцолбол,
 2019 онд “Эрдэнэс Метан” ХХК-ийн гүйцэтгэсэн эрлийн ажлыг олон улсад хүлээн зөвшөөрөгдсөн аргачлалын дагуу мэргэжлийн түвшинд гүйцэтгэж, Монголын нүүрсний давхаргын метан хийн судалгааг нэг шат ахиулсан ажил болсон.
2020 оны 5 дугаар сарын 6-ны өдөр “Эрдэнэс Метан” ХХК бүтээгдэхүүн хуваах гэрээг Ашигт малтмал, газрын тосны газартай байгуулсан. Үүний дараа 2020 оны 10 дугаар сарын 14-ний өдрийн 150 тоот тогтоолоор “Эрдэнэс Метан” ХХК бүтээгдэхүүн хуваах гэрээний эрх үүргээ “Метан газ ресурс” ХХК-д шилжүүлсэн. Энэхүү төр ба хувийн хэвшлийн түншлэлийн хүрээнд хөрөнгө оруулагчидтай хамтарсан компани байгуулах замаар уг төслийг хэрэгжүүлж байна.

Эх сурвалж: “Эрдэнэс Монгол” ХХК-ны 2020 оны тайлан сэтгүүлээс