“Эрдэнэс Монгол” ХХК-ийн Гүйцэтгэх захирал Д.Хаянхярваа, дэд захирал Л.Энхболд нар “Монголын төмөр зам” ТӨХК-ийн Төсөл, хөрөнгө оруулалтын газрын дарга Б.Батцэнгэлтэй өнөөдөр уулзаж, Нарийнсухайт-Шивээхүрэн чиглэлийн тээвэр ложистикийн асуудлаар санал солилцлоо. Тэд төмөр замын төслийн өнөөгийн нөхцөл байдал, үүсээд буй асуудлыг хамтдаа шийдвэрлэх арга замын талаар ярилцсан юм. “Монголын төмөр зам” ТӨХК-ийн зүгээс цаашид “Эрдэнэс Монгол” ХХК-тай хамтран ажиллан экспорт импорт, тээвэр ложистикийг хөгжүүлэх асуудлаар санал боловсруулан Засгийн газарт танилцуулахаар боллоо.