Их Британийн эрх баригч Консерватив намын шинэ дарга Риши Сунак энэ сарын 25-нд хаан III Чарльзад бараалхсаны дараа Ерөнхий сайдын үүрэгт ажилдаа орно гэж тус улсын Засгийн газрын хэрэг эрхлэх газраас мэдээлжээ.  Шинэ Ерөнхий сайдаар тодорсон тэрбээр Нийтийн танхимын дарга Пенни Мордонт сонгуулиас нэрээ татсанаар автоматаар Консерватив намын даргын байр суурийг эзэлж, Засгийн газрыг тэргүүлэхээр болсон байна. Риши Сунак энэ сарын 20-нд Их Британийн Ерөнхий сайдын албан тушаалаас буусан Лиз Трассын халааг авч байгаа юм. 

Риши Сунак нь энэтхэг гаралтай бөгөөд 1980 онд Саутгемптон хотод төржээ. Тэрбээр Их Британийн түүхэн дэх Ази гаралтай анхны Ерөнхий сайд болж байна.