АНУ-ын 46 дахь ерөнхийлөгч Жозеф Робинет Байден тангараг өргөлөө. Тэрбээр тангараг өргөх ёслолын эхэнд тангаргийн уламжлалт үгийг түүний гэр бүлд 127 жил хадгалагдаж ирсэн библь судар дээр зүүн гараа тавин уншсан байна. Тангараг өргөх ёслолын дараа үүрэгт ажилдаа орсон Байден 15 захирамж гаргаж, уур амьсгалын өөрчлөлттэй тэмцэх Парисын гэрээнд АНУ-ыг дахин нэгтгэх, Дэлхийн Эрүүл Мэндийн Байгууллагын гишүүнчлэлээ сэргээх, зарим исламын шашинт орнуудын эсрэг тавьсан визний хоригийг цуцлах, Keystone XL газрын тос дамжуулах хоолойн зөвшөөрлийг цуцлах зэрэг шийдвэрүүдийг гаргасан аж. 

Түүнтэй цуг тангараг өргөсөн Камала Харрис АНУ-ын түүхэнд анхны эмэгтэй, анхны африк гаралтай, анхны ази гаралтай дэд ерөнхийлөгч болсон юм.